Бишкек, 05.10.21. /Кабар/. КР Тышкы иштер министрлигинде 2022-2025-жылдарга Кыргызстан менен Швейцариянын кызматташуу программасынын презентациясы болуп өттү. Бул тууралуу КР ТИМдин басма сөз кызматы билдирет.
Маалыматка ылайык, иш-чара КР тышкы иштер министринин биринчи орун басары Нуран Ниязалиев менен Швейцария Конфедерациясынын Кыргыз Республикасындагы элчиси Оливье Бангертердин төрагалыгы астында өттү.
Швейцариялык тарап өлкөнүн мамлекеттик бийлик органдарынын өкүлдөрүнө 2017-2021-жылдарга эки мамлекеттин ортосундагы кызматташуу стратегиясын ишке ашыруунун жыйынтыктары, ошондой эле инклюзивдүү жана туруктуу экономикалык өнүгүү, мамлекеттик башкаруу жана кызмат көрсөтүү, климаттын өзгөрүшү жана суу ресурстары жаатындагы долбоорлорду камтыган 2025-жылга чейинки мезгилге жаңы кызматташтык программасынын негизги багыттары жөнүндө айтып берди. Атап айтканда, чакан жана орто бизнести, аялдардын ишкердүүлүгүн колдоого жана жаштардын ыкмаларын өнүктүрүүгө, экспортту туруктуу агробизнеске басым жасоо менен илгерилетүүгө, туризмге жана тигүү тармагына инвестицияларга, бизнес кызмат көрсөтүүлөргө, технологияларга жеткиликтүүлүгүн жакшыртуу пландаштырылууда. Пилоттук бассейн пландарын каржылоого өзгөчө көңүл бурулат, бул шаарларда ичүүчү сууга, иштетилген сууга, ирригацияга жана климатка туруктуу пландоого багытталган.
Өз кезегинде Ниязалиев Швейцария Конфедерациясынын Өкмөтүнө Кыргыз Республикасына көрсөткөн колдоосу үчүн ыраазычылыгын билдирип, саясий, соода-экономикалык, инвестициялык чөйрөлөрдө эки тараптуу кызматташтыкты мындан ары чыңдоонун маанилүүлүгүн белгилеп, туруктуу өнүгүү максаттарына жетүүнү белгиледи. Ал Швейцария менен Кыргызстандын 2022-2025-жылдарга кызматташуу программасын сактоо зарылдыгын белгилеп, жакында кабыл алынган Кыргыз Республикасынын президентинин жарлыктарынын жана Кыргыз Республикасынын министрлер кабинетинин стратегиялык документтеринин максаттарына дал келүүнүн зарылчылыгын белгиледи.
Ошондой эле Нуран Ниязалиев эки өлкөнүн Кызматташтык программасынын имплементациялоосуна жана зарыл болгон түзөтүүлөрдү киргизүүгө баа берүүнүн максатында анын аткарылышына туруктуу мониторинг жүргүзүүнү сунуштады.
Пикир
Оставить комментарий