Кара-Көл, 18.10.19. /Кабар/. Токтогул ГЭСин реабилитациялоо боюнча иштин экинчи баскычы башталды. Бул тууралуу президент Сооронбай Жээнбековдун Жалал-Абад облусуна болгон иш сапарынын жүрүшүндө Улуттук энегргохолдинг ишканасынын башчысы Айтмамат Назаров билдирди.
Ал белгилегендей, гидроэлектрстанциядагы иштердин биринчи баскычы 2017-жылы башталган.
"Биринчи баскычтын жүрүшүндө 55 млн доллар каралган. Биз аны 37 млн долларга түшүрдүк. Биринчи баскычта үч негизги жабдык алмаштырылды", - деди ал.
Назаровдун айтымында , экинчи баскычтын алкагында 4 гидроагрегат алмаштырылат.
"Ал боюнча иштер башталды. Гидроагрегаттарды даярдоо боюнча иштер жүрүүдө. 2020-жылы бирөө, 2021-жылы экинчи, 2023-жылы үчүнчү жана төртүнчүсү орнотулат", - деди ал.
Пикир
Оставить комментарий