Бишкек, 15.10.24. /Кабар/. Транспорт жана коммуникациялар министрлиги алыс жолго чыккан айдоочуларга бир катар кеңештерди берди.
Ага ылайык:
- тоолуу аймактар жана ашуулар аркылуу жол тарта турган болсоңуз, унаа дөңгөлөктөрүн жайкыдан кышкыга алмаштырууну унутпаңыз;
- алыс жолго сапар алган учурда жаныңызга музга туруштук бере турчу атайын чынжырча ала жүрүңүз;
- Сосновка жана Кара-Көл пункттарында унаалардын кышка даярдыгы текшерилип, талапка жооп бербегендер артка кайтарыларып жатканын эстеп чыгарбаңыз;
- ашуу аралап баратып, кокус авариялык абалга кептелсеңиз, унаа токтотууга коюлган ташты дароо жол боюнан алып коюуңуз. Анткени, ал жол кырсыгы коркунучун гана туудурбастан, жасалма транспорт тыгынын да жаратат;
- кандай кырдаал жаралбасын каршы тилкеге чыкпаңыз, сиз эрежени гана бузбастан, жол тазалаган унаалардын кыймылына катуу тоскоолдук жаратарыңызды унутпаңыз;
- унаалардын ортосундагы 500 метр аралыкты так сактоо - кырсыкты алдын алып, жол коопсуздугун камсыздай турганын эсиңизден чыгарбаныңыз.
Белгиленгендей, министрликке караштуу Жол тейлөө ишканалары өздөрүнө бөлүнгөн аймакты толук көзөмөлдөп, жаралган кырдаалга ыкчам аракет көрүүгө даяр.
Пикир
Оставить комментарий