Бишкек, 02.11.21. /Адил Төлөгөнов - Кабар/. Кыргызстандык беш балбан бүгүн, 2-ноябрда, Сербияда өтүп жаткан 23 жашка чейинкилер арасында эркин, грек-рим жана кыз-келиндер арасындагы күрөш боюнча Дүйнө чемпионатында күчүн сынай баштайт. Бул тууралуу Кыргызстандын күрөш федерациясынан билдиришти.
Мелдеш 1-7-ноябрда Белград шаарында өтүүдө.
Чемпионаттын экинчи күнүндө грек-рим күрөшү боюнча кыргызстандык беш балбан: Нурмухаммед Абдуллаев - 60 кг, Марлен Асикеев - 67 кг, Ийгилик Сатымкул уулу - 72 кг, Бексултан Назарбаев - 82 кг жана Данияр Шеримбеков - 97 кг килем үстүнө чыгат.
Эскерте кетсек, буга чейин 23 жашка чейинкилер арасындагы Дүйнө чемпионатына катышуу үчүн Кыргызстандын курамасы аныкталган.
Пикир
Оставить комментарий