Учурда өлкөдөгү жолдордо чектөө жок, жол ачык

Бишкек, 04.12.24. /Кабар/. Учурда өлкөдөгү жолдордо чектөө жок, жол ачык.

Транспорт жана коммуникациялар министрлигинен маалымдашкандай, Бишкек –Ош унаа жолундагы Төө-Ашуу, Ала-Бел, Көк-Бел жана Тараз –Талас – Суусамыр авто жолундагы Өтмөк ашуусунда чектөөлөр жок, күн ачык, каттам бар.

Ушу тапта Өтмөк ашуусунда шамалдан улам жол үстүнө чогулган карды тазалоо иштери жүрүүдө.

Ошондой эле Бишкек – Нарын -Торугарт жолундагы Долон, Кызыл-Бел, Ат-Башы районундагы Ак-Бейит, Түз-Бел, Торугарт ашууларында да унаа кыймылына чектөө жок.

Министрлик алдындагы Жол тейлөө ишканалары тарабынан жол тазалоого керектүү техникалар жана инерттик материалдар даярдалып, көзөмөл жүргүзүлүп жатканын белгиледи.