Бишкек, 17.03.20. /Кабар/. UFC уюмунун президенти Дэйна Уайт россиялык Хабиб Нурмагомедов менен америкалык Тони Фергюсондун беттеши жылдырылган мелдештерге карабастан өз убагында өтөрүн билдирди. Бул тууралуу Р-спорт басылмасы жазат.
Буга чейин беттеш Нью-Йорк шаарында өтмөк. Бирок шаардын бийлиги коронавирустун айынан 500 адамдан жогору чогула турган иш-чараларга тыюу салган.
Мурунку жума Уайт эки мушкердин беттешин өткөрүүгө башка жер табарын билдирген. Ошондой эле бир катар ЖМКлар UFC уюмунун үч мелдеши (21-март, 28-март жана 11-апрель) жылдырылганын жазып чыгышкан.
"Нурмагомедов менен Фергюсондун беттеши пландалгандай 18-апрелде өтөт. Кандай болсо да уюштурабыз, көрүүчүлөрсүз, мүмкүн АКШдан сырткары бир жерде болот", - дейт UFC уюмунун президенти.
Пикир
Оставить комментарий