Бишкек, 07.09.21. /Кабар/. УКМК тарабынан аткезчиликке каршы күрөшүү боюнча ыкчам-издөө иш-чараларынын алкагында, Кыргызстандын мамлекеттик чек арасында аткезчилик иш-аракеттердин алдын алууга жана бөгөт коюуга багытталган иш-чаралар улантылып жатат.
Улуттук коопсуздук мамлекеттик комитетинин басма сөз кызматы билдиргендей, үстүбүздөгү жылдын 2-сентябрынан 6-сентябрына чейин баасы 800 миң сомго жакын тиешелүү коштоочу документтери жок 11 тоннадан ашык айыл чарба продукциясы кармалды.
Кармалган жүк транспорт каражаттары менен бирге КР мыйзамдарына ылайык чараларды көрүү үчүн бажы көзөмөл органдарына өткөрүлүп берилген.
КР УКМК мамлекеттик чек арада аткезчиликке каршы күрөшүү боюнча тиешелүү иштерди улантууда. Ошол эле учурда, алдын алуу жана алдын алуу иш-чараларынын алкагында, товарларды мыйзамсыз ташуу боюнча, ЖӨБ органдары менен бирдикте, мыйзамсыз айыл чарба продукцияларын ташып келүүгө жол бербөө жана каналдарды басууга көмөктөшүү үчүн жергиликтүү калк арасында тиешелүү түшүндүрүү жана укуктук чаралар көрүлүүдө.
Пикир
Оставить комментарий