Бишкек, 10.01.24. /Кабар/. "Кулун ата" базарынын соодагерлеринин талаптары толугу менен канааттандырылды. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, УКМК тарабынан базардагы соодагерлер үчүн ылайыктуу шарттарды түзүү жана ижара акысын төмөндөтүү боюнча жүргүзүлүп жаткан иш-чаралардын алкагында "Кулун Ата" базарынын соодагерлер профсоюзунун төрагасы Р.Исамидинованын интернет булактарына жарыяланган кайрылуусу эске алынып, тиешелүү чаралар көрүлдү.
Бул максаттар үчүн "Кулун ата" базарынын жетекчилиги жана базардын соодагерлери УКМКга чакырылып, анын жүрүшүндө ижара баасы мурда 10%га арзандатылганы аныкталып, бул өз кезегинде соодагерлердин нааразычылыгын жараткан.
Сүйлөшүүнүн жыйынтыгы боюнча, видео кайрылуу жасаган адамдардын талаптары толугу менен канааттандырылган, ал эми базардын администрациясы соода жайларынын ээлери үчүн да, кошумча ижарачылар үчүн да ижара акысын төмөндөтүүгө даяр экендигин билдирди, бул жалпысынан соодагерлердин ижара акысын 15тен 30%га чейин төмөндөтөт.
Пикир
Оставить комментарий