УКМК: Эл аралык террористтик уюмдун активдүү мүчө кармалды

Бишкек, 20.08.21. /Кабар/. Эл аралык террористтик уюмдун активдүү мүчөсүнүн ишмердүүлүгүнө бөгөт коюлду, - деп билдирет КР УКМКнын маалымат кызматы.

Билдирүүгө ылайык, 2021-жылдын 14-августунда КР УКМК тарабынан жүргүзүлгөн контртеррористтик иш-чаранын жүрүшүндө Баткен облусунун 1994-жылы туулган тургуну «С.Ж.» кармалды.

Кармалган жаран 2016-жылы "Ислам мамлекети" (Кыргыз Республикасынын аймагында ишмердүүлүк жүргүзүүгө тыюу салынган) эл аралык террордук уюмунун бандиттик түзүлүштөрү тарабындагы куралдуу кагылышууга катышуу үчүн Сириядагы куралдуу чыр-чатактар ​​зонасына кеткен.

Террордук топтун катарына жалдоочуларды тартуу жана андан ары анын айрым мүчөлөрүн Сирия менен Афганистанга өткөрүп берүү максатында "Ислам мамлекети" эл аралык террористтик уюмдун жетекчилеринин көрсөтмөсү менен Кыргызстанга келген.

Сотко чейинки өндүрүштүн алкагында кармалган адам убактылуу кармоочу жайга киргизилди.

Учурда УКМК “С.Ж.” менен болгон кылмыштуу байланыштарды аныктоо боюнча ыкчам иш-чаралардын комплексин улантууда.