Бишкек, 26.03.22. /Кабар/. Улуттук коопсуздук мамлекеттик комитети тарабынан диний-экстремисттик жана террористтик топторду аныктоо жана бөгөт коюунун алкагында көмүскө экстремисттик тармакты уюштурган, Кыргызстандын түштүк аймагы боюнча “Хизб ут-Тахрир” динийи-экстремисттик уюмдун лидери - чет элдик жарандын диверсиялык ишмердүүлүгүнө бөгөт коюлду.
УКМКнын басма сөз кызматы билдиргендей, кармалган И.Ш.Ш. Өзбекстанда “Хизб ут-Тахрир” ДЭУ аймактык жетекчиси болуп саналат, ал Кыргыз Республикасынын түштүк аймактарында жана Өзбекстан Республикасынын чектеш аймактарында “Хизб ут-Тахрир” түзүмдөрүн түзүү жана бекемдөө боюнча көмүскө иштерди жүргүзүп келген.
Сотко чейинки өндүрүштүн алкагында жүргүзүлгөн ыкчам-иликтөө иш-чараларынын жүрүшүндө, кармалган жаран 10 жылдан ашык убакыттан бери Өзбекстандын аймагында расмий издөөдө жүрүп, Кыргызстандын аймагында жашырынууга аракет кылганы аныкталды. Көрүлгөн процессуалдык чаралардын негизинде И.Ш.Ш. Өзбекстанга өткөрүлүп берилди.
Пикир
Оставить комментарий