Бишкек. 02.04.19 /Кабар/. Ош шаарынын аэропортунда үч коңшу өлкөнүн жарандары 3 кг героин менен кармалды. Бул тууралуу Улуттук коопсуздук боюнча мамлекеттик комитет кабарлады.
Маалыматка ылайык, 26 жаштагы Ш.А., 33 жаштагы С.Г., жана 31 жаштагы С.С. 30-март күнү наркотикалык заттарды контрабандалык жол менен ташууга бөгөт коюууга багытталган ыкчам иш-чаранын алкагында кармалган.
Алар Кыргызстан аркылуу баңги заттарды Россияга жекирүүнү көздөшкөн.
Багажды текшерүү учурунда жашыруун сактоочу жайда салмагы 3 килограммдан ашык 57 брикет (героин) табылган.
Бул факт боюнча КР Кылмыш-жаза кодексинин 267-беренесинин 3-бөлүмү (Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) боюнча кылмыш иши козголду.
Кармалган адамдар Ош шаарынын милициясынын убактылуу кармоочу жайына киргизилди.
Пикир
Оставить комментарий