Улуттук банк акча алмаштыруу жайына жана бир жаранга айып салды

Бишкек, 20.08.24. /Кабар/. Улуттук акча алмаштыруу жайына жана бир жаранга айып салды. Бул тууралуу финансылык жөнгө салуу органынан билдиришти.

Анын маалыматына ылайык, Бишкек шаарында Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн КР жаранына (Н.Т.Н.) 17 миң 500 сом өлчөмүндө айып пул салынды.

Ошондой эле Кыргыз Республикасынын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн Бишкек шаарында жайгашкан бир алмашуу бюросуна 55 миң сом өлчөмүндө айып пул салынды.