Бишкек, 27.05.20. /Кабар/. Улуттук банк эсептик чен өлчөмүн 5% деңгээлинде калтырды. Бул тууралуу "Кабар" агенттигиндеги онлайн маалымат жыйыны учурунда Улуттук банктын төрагасы Толкунбек Абдыгулов билдирди.
Ал эсептик ченде 5% деңгээлинде калтыруунун себебин айтып берди.
"Биринчи кезекте ал чечим, өлкөдө инфляциялык процесстер башталгандыктан кабыл алынды. Ушул жылдын апрель айында инфляция 8,6%ды түздү. Май айынын 15ине карата жылдык инфляциянын көрсөткүчү 7,5% болду. Ал нерселер учурда инфляциянын көтөрүлүшү бар экенин көрсөтүүдө", - деди ал.
Анын айтымында, Улуттук банктын божомолу боюнча экинчи жарым жылдыкта инфляция төмөндөйт.
"Апрель-май айында инфляциянын көтөрүлүшү коронавирустан улам азык-түлүк бааларынын жогорулашы менен байланыштуу болду. Аны менен катар ал жыл мезгилине байланыштуу болду. Себеби бизде жыл сайын жаз айларында жашылча-жемиштердин ж.б. баасы көтөрүлөт", - деди ал.
Пикир
Оставить комментарий