Улуттук банк мыйзамсыз акча алмаштырган 6 жаранга айып салды

Бишкек, 13.08.24. /Кабар/. Улуттук банк мыйзамсыз акча алмаштырган 6 жаранга айып салды.

Финансылык жөнгө салуу органынан билдиришкендей, Бишкек шаарында КР Улуттук банкынын лицензиясы жок нак чет өлкө валютасы менен алмашуу операцияларын жүргүзгөндүгү үчүн Т.Р.Р., М.И.Ш., К.М.Т., Н.у.М., Т.к.А., М.Э.М. аттуу жарандарга ар бирине 17 миң 500 сом өлчөмүндө айып пул салынды.