Улуттук банк мыйзамсыз акча алмаштырган россиялык жаранга айып салды

Бишкек, 13.09.22. /Кабар/. Улуттук банк мыйзамсыз акча алмаштырган чет элдик жаранга айып салды.

Финансылык жөнгө салуучу органдан билдиришкендей, КР Улуттук банкынын лицензиясы жок нак чет өлкө валютасы менен алмашуу операцияларын ишке ашыргандыгы үчүн Улуттук банктын Ош облустук башкармалыгы тарабынан Россиянын Г.Ш.В. аттуу жаранына 17 миң 500 сом суммасында айыппул салынды.