Улуттук банк валюта рыногуна 51,6 млн доллар сатты

Бишкек, 09.08.24. /Кабар/. Кыргызстандын Улуттук банкы чет элдик валютаны сатуу боюнча интервенция жасады.

Улуттук банктын сайтындагы маалыматка караганда, валюта рыногуна 51 млн 650 миң АКШ доллары сатылды.

Белгиленгендей, бүтүмгө келишилген күндөгү эсептөөлөр менен 19 млн доллар жана бүтүмгө келишилген күндөн башка күндөгү эсептөөлөр менен 32 млн 650 миң доллар сатылган.

Учурда доллардын расмий курсу 85,12 сомду түзүүдө. Коммерциялык банкттарда доллар 85,40 сомдон сатылып алынса, 85,90 сомдон сатылууда.

Улуттук банк жыл башынан бери валюта рыногуна 90 млн 150 миң доллар сатты.