Бишкек, 26.12.23. /Кабар/. 27-декабрдан 30-декабрга чейин күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүүcү жана кар күрткүсү күтүлөт. Бул тууралуу Өзгөчө кырдаалдар министрлигинен билдиришти.
Андыктан айдоочулар төмөнкү жолдордо жүрүүдө этият болуусу керек:
Бишкек — Ош унаа жолу:
- 121-138-чакырымдарында Төө-Ашуу ашуусу;
- 198-255-чакырымдарында Чычкан капчыгайы, Ала-Бел ашуусу;
Мырза-Аке — Кара-Кулжа — Алайкуу унаа жолу:
- 45-115-чакырымдары.
Белгиленгендей, жолдор тайгак болуп, муз тоңот, унаалардын ортосундагы 500 метр аралык кыймыл чектелиши зарыл.
"Жол коопсуздук эрежелерин так сактап, алыскы жолго чыгууда күрөк, дөңгөлөк чынжырын, дары-дармек, ысык суу жана азык алууну унутпаңыз. Кырсык катталганда же унаа жолдорундагы абалды билүү үчүн 112 номерине байланышыңыз", - деп эскертет ӨКМ.
Пикир
Оставить комментарий