VI чакырылыштагы Жогорку Кеңештин кезектеги сессиясы жабык деп жарыяланды

Бишкек, 30.06.21./Кабар/. Бүгүн, 30-июнда VI чакырылыштагы Кыргыз Республикасынын Жогорку Кеңешинин кезектеги сессиясынын жабылуу аземи болду.

Жогорку Кеңештин төрагасынын орун басары Нурбек Сыдыгалиев Кыргыз Республикасынын Конституциясынын 83-беренесине жана «Кыргыз Республикасынын Жогорку Кеңешинин Регламенти жөнүндө» мыйзамдын 34-беренесине ылайык, VI чакырылыштагы Кыргыз Республикасынын Жогорку Кеңешинин VIII сессиясы жабык деп жарыялады.