• 89.02
  • 94.77
  • 0.95

Ысык-Ата районунда аккумулятор уурдоого шектүү жарандар кармалды

Укук тартиби 0

Бишкек, 26.02.22. /Кабар/. Ысык-Ата районунда аккумулятор уурдоого шектүү жарандар кармалды. Бул тууралуу Чүй облустук миилциясынын басма сөз кызматы билдирет.

Маалыматка ылайык, 2022-жылдын башында Ысык-Ата РИИБине бир нече жергиликтүү жашоочу арыз менен кайрылып, жүк ташуучу автоунааларынын аккумуляторун жана башка тетиктерин белгисиз бирөөлөр уурдап кетишкенин билдирген.

Бул фактылар кылмыштардын бирдиктүү реестрине КР Кылмыш-жаза кодексинин 205-беренеси (Уурдоо) боюнча катталып, сотко чейинки өндүрүш иштери башталган.

Териштирүү учурунда уурулук кылмыштары көбүнчө түнкү маалда болгонун милиция кызматкерлери аныктап, тиешелүү ыкчам иш-чараларды жүргүзүшкөн.

Ыкчам иш-чаралардын негизинде жогорудагы кылмыштарга шектелип, 2003-жылы туулган К.У., 1995-жылы туулган Ж.Э., 2002-жылы туулган Т.Э., 2004-жылы туулган Т.З. жана 2003-жылы туулган О.А. аттуу жарандар кармалган.

Учурда кылмышка шектүүлөрдүн Ысык-Ата районунун аймагында катталган 10 уурулук фактысына тиешеси бар экендиги боюнча текшерүү иштери жүргүзүлүүдө.

Чүй облусунун аймагында дагы башка кылмыштарга тиешеси бар же жок экендиги боюнча териштирүү иштери улантылууда.

Пикир

Оставить комментарий