Бишкек, 20.05.22. /Кабар/. Ысык-Ата районунун Нурманбет айылында Үй-бүлөлүк дарыгерлер тобунун жаңы имараты пайдаланууга берилди. Бул тууралуу Ысык-Ата райондук мамлекеттик администрациясынын басма сөз кызматы билдирет.
Маалыматка ылайык, имараттын курулушу Лу Луа Ахмад Алкаваринин жеке демөөрчүлүгү астында төрт жарым млн сомго каржыланды. Нурманбет айыл өкмөтү тарабынан 1 млн 200 миң сомго тегереги тосулуп, көрктөндүрүү иштери жүргүзүлдү.
Үй-бүлөлүк дарыгерлер тобунун жаңы имаратынын ачылыш салтанатына райондук мамлекеттик администрациясынын башчысы-акимдин биринчи орун басары Ногайбек Самтыров, демөөрчүнүн өкүлдөрү, райондук жалпы дарыгерлер практикалык борборунун директору Роза Мукаева, Нурманбет айыл өкмөтүнүн башчысы Адис Өмүралиев жана башка тиешелүү тармактардын жетекчилери, айыл тургундары катышты.
Пикир
Оставить комментарий