Бишкек, 06.05.24. /Кабар/. Ысык-Көл облусунун туристтик милициясы чет өлкөлүк туристтерге сервистик тейлөө көрсөтүүнү кеңейтүүдө. Бул тууралуу облустук милициядан билдиришти.
Сервистик тейлөө тажрыйбасын жакшыртуунун алкагында кызматкерлер келген туристерге уникалдуу кызматтарды жана колдоолорду сунуштоодо. Анын ичинде:
1. Көп тилдүүлүк: Ысык-Көл ОИИБдин туристтик-экологиялык милициясынын кызматкерлери көп чет тилдерде, анын ичинде англис, кытай, түрк, орус жана башка көптөгөн тилдерде коммуникацияга жөндөмдүү, бул өзү, көптөгөн өлкөлөрдүн туристтери менен натыйжалуу өз ара аракеттенүүнү камсыз кылууга мүмкүндүк берет.
2. Жардам жана кеңеш: Тажрыйбалуу милиция кызматкерлери чет өлкөлүк туристтердин облустун аймагында ыӊгайлуу болушуна байланыштуу бардык маселелер боюнча, анын ичинде коопсуздук маселелери, укуктук маселелер жана жаратылышы кооз жерлер боюнча сунуштар боюнча жардам жана кеңеш берүүгө даяр.
3. Коопсуздук: Туристтик милиция өзгөчө кырдаалдардын алдын алуу ведомстволору жана жергиликтүү укук коргоо органдары менен тыгыз кызматташтыкта иш алып баруу менен биздин облустун аймагында чет элдик туристтердин коопсуздугун камсыз кылат.
4. Туристтик маалымат: Аталган кызматтын милиция кызматкерлери туристтик жайлар, маданий иш-чаралар, мейманканалар жана облус боюнча саякаттоо багыттары жөнүндө пайдалуу маалыматтарды беришет.
Ысык-Көл ОИИБдин туристтик-экологиялык милициясы чет элдик туристтерди кандайдыр бир маселелер жаралса 0705009102 телефону аркылуу call-борборго кайрылууга жана облустун табигый жаратылышын тайманбастык менен изилдөөгө чакырат.
Пикир
Оставить комментарий