Бишкек, 15.02.20. /Кабар/. Бүгүн, 15-февраль күнү саат 09:31де Ысык-Көл облусунун аймагында күчү 5 баллга жеткен жер титирөө катталды. Бул тууралуу Кыргызстандын Сейсмология институтунан билдиришти.
Жер титирөөнүн очогу Ысык-Көл облусунун Каракол шаарынын түштүк-чыгыш тарабында 90 чакырым алыстыкта жайгашкан.
Жер титирөө Кургак, Таш-Короо, Эңилчек айылдарында болжол менен 4,5 балл, Койлуу, Май-Сазда 3,5 балл, Каракол шаарында 2,5 балл болуп сезилген.
Жер титирөөдөн жабыркагандар жана кыйроолор катталган жок.
Пикир
Оставить комментарий