Бишкек, 24.07.20. /Кабар/. Өкмөттүн Ысык-Көл облусундагы өкүлчүлүгүнүн кызматтык унаасында жасалма мамлекеттик номер тагылган факт боюнча сотко чейинки өндүрүш иши башталды. Бул тууралуу Ысык-Көл облустук Ички иштер башкармалыгынан билдиришти.
Маалыматка ылайык, 23-июль күнү бир катар массалык маалымат каражаттарында Өкмөттүн Ысык-Көл облусундагы өкүлчүлүгүнүн кызматтык унаасында жасалма мамлекеттик номер тагылганы тууралу маалымат чыккан.
"Бул факт Ысык-Көл облустук Ички иштер башкармалыгынын Кылмыш жана жоруктардын бирдиктүү реестринде каттоого алынып, Жоруктар тууралуу кодекстин 173-беренесинин 1-бөлүгүнө ылайык сотко чейин өндүрүш башталды", - деп айтылат маалыматта.
Пикир
Оставить комментарий