Бишкек, 04.01.12. /Нуркыз Сабырова – Кабар/. Ысык-Көл облусунун Кажди-Сай айылында 3нөн 4-январга караган түнү баптисттердин чиркөөсүндө өрт чыккан. Бул маалыматты Ысык-Көл облусунун ИИБнин басма сөз кызматынын жетекчиси Сталбек Усубакунов тастыктады.
Анын айтымына караганда, учурда Ысык-Көл облусунун Тоң райондук ички иштер бөлүмү өрттүн келип чыгуу себебин тактоодо.
Өрттүн эмнеден улам келип чыккандыгы азырынча белгисиз. Жабыркагандар жана каза болгондор жок.
Пикир
Оставить комментарий