Ысык-Көлдө күчү 2,5 баллга жеткен жер титирөө катталды

Бишкек, 05.12.18. /Кабар/. Ысык-Көл облусунда бүгүн, 5-декабрда болжол менен саат 16:11лер чамасында жер титирөө катталган.

Улуттук илимдер академиясынын Сейсмология институтунун алдын маалыматына ылайык, жер титирөө Ысык-Көл облусунун аймагында катталып, очогунда күчү 2,5 баллга жеткен.

Жер титирөө Ак-Өлөң жана Орто-Токой айылдарында 2 баллга сезилген.

Алдын ала маалымат боюнча жер титирөөдөн жабыркагандар жана кыйроолор катталган жок.