Бишкек, 14.08.24. /Кабар/. Улуттук коопсуздук мамлекеттик комитетинин Чек ара кызматы Ысык-Көлдөгү мини-дрондун кулашы боюнча камментарий берди.
Ведомствонун маалыматына караганда, бүгүн Балыкчы шаарынын аймагындагы ок атуу талаасында тактикалык мини-дрондун жаңы түрүн окуу сынагынан өткөрүү учурунда ал Ысык-Көл облусундагы Тамчы аэропортуна коноор алдында кулап түшүп, күйүп кетип, алдын ала аныкталган чекитке жетпей калган.
Кичи дрондун кулоосунан эч ким жабыркаган эмес. Азыркы учурда аэропорттун мини-дрон кулаган аймагын калдыктардан тазалоо иштери жүргүзүлүүдө.
Сынак өткөргөн топ мини-дрондун кулап түшүү себептерин аныктоодо.
Пикир
Оставить комментарий