Бишкек, 06.06.19. /Кабар/. Ысык-Көл облусунда эки бир тууган "Мир" үлгүсүндөгү муздаткычта тумчугуп каза болгонун "Кабар" маалымат агенттигине Ысык-Көл облусунун Ички иштер министрлигинен билдиришти.
Кырсык Түп районун Михайловка айылында 3-июнда болгон. Саат 17:55те райондук ички иштер башкармалыгына 4 жана 6 жаштагы балдар кырсыктан улам каза болгону тууралуу маалымат келип түшкөн.
"28 жана 27 жаштагы жубайлар балдарын короодо ойноп жатканын көрбөгөндөн кийин издей башташкан. Н., жана Д., аттуу балдарын саат 17:00дө гана "Мир" үлгүсүндөгү муздаткычта экени аныкталган. Муздаткыч ичинен ачылбагандыктан ичине кирген балдар тумчугуп калган", - деп айтылат маалыматта.
Балдарды облустук ооруканага дароо алып барышкан. Дарыгерлер балдарга дем жетпей тумчугуп каза болгонун билдиришти.
Аталган факты Кылмыштардын жана жоруктардын бирдиктүү реестрине катталган. Зарыл болгон экспертизалар дайындалды.
Пикир
Оставить комментарий