Ысык-Көлдө унаасы сазга тыгылып калган эки туристке жардам көрсөтүлдү

Бишкек, 06.09.22. /Кабар/. Ысык-Көлдө сазга унаасы сазга тыгылып калган эки туристке жардам көрсөтүлдү. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, кечээ, 5-сентябрда Ак-Суу районунун Шахты-Жыргалаң айылынын Көк-Бел жайлоосунда эс алууга чыккан эки чет элдик турист жолдон адашып, унаасы сазга тыгылып калгандыгы тууралуу маалымат түшкөн.

Жерине ӨКМдин Тоо-кен-куткаруу кызматынын 7-өзүнчө мобилдештирилген тоо-кен куткаруу взводунан 3 куткаруучу тартылып, унааны саздан сүйрөтүп жолго чыгарып беришкен.

Жабыркагандар жок.