Бишкек, 13.07.22. /Кабар/. Ысык-Көлдө 19 жашка чейинкилер арасында бильярддын эркин пирамида түрү боюнча дүйнө биринчилиги старт алды. Бул тууралуу Маданият, маалымат, спорт жана жаштар саясаты министрлигинен билдиришти.
Мелдеш “Газпром - балдарга” комплексинде өтүүдө.
Спорттук иш-чаранын салтанаттуу ачылыш аземине Дене тарбия жана спорт департаментинин директору Канат Шабданбаев, Кыргызстандын бильярд спорту федерациясынын президенти Бактыбек Кудайбергенов жана Эл аралык “Пирамида” бильярд конфедерациясынын башкы катчысы Фирсов Яков катышты.
Биринчиликке Кыргызстан, Казакстан, Россия, Түркмөнстан жана Беларустан келген спортчулар катышууда.
Белгилей кетсек, 19 жашка чейинкилер арасында бильярд боюнча дүйнө биринчилиги 15-июлга чейин уланат. Ал эми 16-20-июль күндөрү эркектер жана кыз-келиндер арасында дүйнө чемпионаты өтөт.
Пикир
Оставить комментарий