Бишкек, 16.08.19. /Кабар/. Ички иштер министрлиги КСДПнын элдик штабынын мүчөсү Залкар Бакировдун кармалганы тууралуу маалыматты төгүндөдү.
ИИМдин басма сөз кызматынан кабарлашкандай, Бакиров суракка да чакырыла элек.
"Мурдагы президент Алмазбек Атамбаевдин тарапташтары Залкар Бакировду таба албай жатышкандыгын билдиришүүдө. Кыргыз Республикасынын ички иштер министрлиги 7-8-август күндөрү Кой-Ташта болгон окуяларга байланыштуу Залкар Бакиров кармалган жок жана суракка да чакырыла электигин билдирет", - деп айтылат маалыматта.
Пикир
Оставить комментарий