Бишкек, 20.04.21. /Кабар/. Залкар жазуучу Чыңгыз Айтматовдун жубайы — Мария Айтматова 79 жашка караган курагында дүйнө салды. Бул тууралуу коомдук ишмер Ассоль Молдокматова өзүнүн facebook`тагы баракчасына жазды.
"Чыңгыз Төрөкулович Айтматовдун үй-бүлөсүнө залкар жазуучунун жубайы Мария Айтматованын дүйнөдөн кайтышына байланыштуу терең кайгыруу менен көңүл айтам. Жаткан жери жайлуу болсун", - деп жазган Молдокматова.
Айтматова Мария Урматовна — 1942-жылы 13-июлда Чүй облусунда туулган.
"Кабар" агенттигинин жалпы жамааты маркумдун жакындарына, туугандарына терең кайгыруу менен көңүл айтып, азасын тең бөлүшөт.
Пикир
Оставить комментарий