Бишкек, 09.07.20 /Кабар/. Өзбекстандын Транспорт министрлиги чартердик каттамдар токтотулгандыгы тууралуу социалдык түйүндөрдөгү билдирүүлөрдү четке какты.
Мекеменин расмий сайтында каттамдар токтотулбаганы, болгону убактылуу алардын саны кыскартылганы белгиленген.
«Өлкөдө эпидемиологиялык абалдын жакшырышы менен суроо-талап жогору болуп жаткан багыттар боюнча каттамдардын саны кайра көбөйтүлөт», — деп жазылган мекеменин билдирүүсүндө.
Жаңы жадыбалга ылайык, каттамдар 10-июлдан 19-июлга чейин төмөнкүдөй тартипте аткарылат:
- 10-июль Сеул — Ташкент — Сеул (Korean airlines)
- 12-июль Санкт-Петербург — Ташкент — Санкт-Петербург (Rossia)
- 13-июль Сеул — Ташкент — Сеул (Asiana airlines)
- 13-июль Ташкент — Москва — Ташкент (Uzbekistan Airways)
- 15-июль Москва — Ташкент — Москва (Ural airlines)
- 16-июль Стамбул — Ташкент — Стамбул (Turkish airlines)
- 16-17-июль Ташкент — Нью-Йорк — Ташкент (Uzbekistan Airways)
- 19-июль Ташкент — Владивосток — Ташкент (Uzbekistan Airways)
Пикир
Оставить комментарий