Бишкек, 09.11.17 /Кабар/. Өзбекстан Дүйнөлүк саламаттыкты сактоо уюму тарабынан кызылча жана кызамык оорусун жойгон өлкө катары расмий түрдө таанылды. Ташкенттеги ЮНИСЕФ өкүлчүлүгү өлкө бул илдеттерди 2014-жылдан 2016-жылга чейин жеңүүгө жетишти деп билдирди.
2007-жылы Өзбекстан иммунизация боюнча улуттук жылнаамасына кызылча, паротит, кызамыкка каршы вакцина киргизген. Балдар 12 айга толгондо жана 6 жашка чыкканда колдонула турчу эки вакцина өмүр бою бул ооруларга каршы иммунитет пайда калат. Өлкө эмдөөлөр менен толук камтылган.
«Өзбекстанда 14 жашка чейинки балдар калктын 27% түзөт. Эмдөө келечек муун үчүн саламаттыкты сактоо тармагында экономикалык жактан эффективдүү инвестиция болуп эсептелет», – деп белгиледи ЮНИСЕФтин Өзбекстандагы өкүлү Саша Грауманн.
ЮНИСЕФ өлкөгө жаңы вакциналарды сатып алууга колдоо көрсөтүүдө. 2020-жылга карата Өзбекстан вакцияналарды өз алдынча сатып алууну камсыздоону пландоодо.
Пикир
Оставить комментарий