Бишкек, 22.10.19. /Кабар/. 19-октябрдан тарта Өзбекстандын Кокон шаарынан Тажикстандын Шайдон шаарына автобус каттай баштады. Бул тууралуу УзА агенттигине Өзбекстандын Транспорт министрлиги билдирди.
Жолдун узактыгы 84,5 чакырым, билеттин баасы 23 000 сум (2,5 доллар).
Буга чейин Өзбекстан менен Тажикстан ортосунда бир нече автобус каттамдары ачылган. Алардын арасында "Ташкент-Хожент", "Фергана-Хожент", "Термез-Душанбе", "Денау-Душанбе", "Самарканд-Пенжикент" каттамдары бар.
Пикир
Оставить комментарий