Бишкек, 18.11.20. /Кабар/. Өзбекстанда 2021-жылдын июнь айына карата калктын 60%ынан ашыгын коронавируска каршы эмдөө пландалууда. Бул тууралуу өлкөнүн Санитардык-эпидемиологиялык агенттигинин директорунун орун басары Ботиржон Курбанов билдирди.
Анын айтымында, бүгүнкү күндө өлкөдө эмдөөнү уюштуруу боюнча бир катар иш-чаралар жүргүзүлүүдө.
«Азыр биз дүйнөдө ким алгачкылардан болуп вакцинасын каттайт, ким сата баштайт деп күтүп жатабыз. Вакцина аларыбыз менен эмдөө иштерин баштайбыз», — деди Курбанов.
Буга чейин Өзбекстандын инновациялык өнүгүү министри Иброхим Абдурахманов өлкө Кытайдын, Орусиянын, Европанын жана АКШнын вакциналарын сыноодон өткөрүүнү көздөп жатканын билдирген.
Пикир
Оставить комментарий