Бишкек, 20.11.24. /Кабар/. Ташкент облусунун Нурафшон шаарындагы төрөт үйүндө 6 кг 865 грамм салмактагы эркек бала төрөлдү. Бул тууралуу Өзбекстандын облустук саламаттык сактоо башкармалыгы билдирди.
Дарыгерлердин айтымында, наристенин абалы канааттандырарлык деп бааланууда. Ымыркай кесарево жолу менен жарыкка келген. Учурда эне-бала дарыгерлердин көзөмөлүндө. Ал, үй-бүлөнүн экинчи баласы.
Белгилей кетсек, мындай чоң салмактагы наристенин жарык дүйнөгө келиши Ташкент облусунда алгачкы ирет катталды.
Эске салсак, 2022-жылдын апрель айында Сырдарыя облустук медициналык бирикмесинин төрөт комплексинде жети килограмм салмактагы кыз төрөлгөн.
Пикир
Оставить комментарий