Бишкек, 24.04.20. /Кабар/. Өзбекстанда коронавирус жуктурган аял каза болгонун өлкөнүн Саламаттык сактоо министрлигинен билдиришти.
Ангрен шаарында өнөкөт оору менен жапа чегип келген жаран 19-апрелде ооруканага өтө оор абалда жеткирилген. Ага облустук жугуштуу ооруканада жасалма дем алдыруучу аппарат туташтырышкан. Экспресс-анализдердин жыйынтыгында бейтапта илдет бар экендиги аныкталган.
Дарыгерлердин аракетине карабай вируска чалдыккан жаран каза болгон. Анын өлүмүнө бир катар оорулар себепкер болгон.
Өзбекстанда COVID-19 вирусун 1778 адам жуктурган. Илдеттен 598 жаран айыкса, каза болгондордун саны 8 адамды түзөт.
Пикир
Оставить комментарий