Бишкек, 06.07.21./Кабар/. Өзбекстанда массалык иш-чараларды өткөрүүгө чектөөлөр киргизилди. Бул тууралуу өлкөнүн Саламаттык сактоо министрлиги Коронавируска каршы күрөшүү боюнча атайын республикалык комиссиянын чечимине шилтеме кылып билдирди.
Чечимге ылайык, массалык майрамдык иш-чаралардын бардык түрлөрүн, спорттук мелдештерди, ошондой эле ачык жана жабык жайларда концерттерди, фестивалдарды жана кинопрограммаларды өткөрүүгө чектөөлөр киргизилди.
Ошол эле маалда спорттук мелдештерди көрүүчүлөрсүз өткөрүүгө уруксат бар.
1-августтан тартып Өзбекстандын аймагында үлпөт тойлорду, тажияларды жана башка үй-бүлөлүк мааракелерди өткөрүүдөгү санитардык-гигиеналык эрежелердин сакталышына көзөмөл күчөтүлүп, алардын катышуучуларынын саны 50 кишиден ашпашы керек деген чектөөлөр киргизилет.
1-майдан тартып Өзбекстанда жабык жайларда концерттерди жана спектаклдерди өткөрүү убактылуу токтотулган.
Өткөн жумада Коронавируска каршы күрөшүү боюнча атайын комиссия 28-июндан 12-июлга чейин Өзбекстанда карантиндик чектөөлөрдү күчөтүү тууралуу чечим кабыл алган.
Пикир
Оставить комментарий