Өзбекстанда «Оскар» сыйлыгына талапкер тасмалардын тизмеси жарыяланды

Бишкек, 16.11.20. /Кабар/. Өзбекстандын атынан америкалык «Оскар» киноакадемиясынын номинациясына талапкер болгон фильмдердин шорт-листи жарыяланды.

Тизмеге ылайык, Жахонгир Касимовдун «Ибрат», Аюб Шахобиддиновдун «Түссүз түштөр» жана Ёлкин Туйчиевдин «Фариданын эки миң ыры» фильмдери «Оскардын» «Эң мыкты эл аралык көркөм фильм» номинациясына сунушталат.

Оскар сыйлыгына тандоо 2021-жылы 25-апрелде Лос-Анжелесте өтөт.

Өзбекстан сынакка катышуу үчүн быйыл 20-ноябрга чейин номинанттар боюнча акыркы чечимин чыгарышы керек.

2019-жылы Өзбекстан Жаштар бирикмесинин, Өзбекстан Улуттук кинокомиссиясынын жана «Өзбекккино» Улуттук агенттигинин демилгеси менен АКШнын Киноакадемиясында Өзбекстандын Оскар комитети түзүлүп, каттоодон өткөн.

Биринчи жолу Умида Хамдамованын «Ысык нан» тасмасы сыйлыкка көрсөтүлгөн.