Бишкек, 26.02.21. /Кабар/. Өзбекстандын тышкы иштер министри Абдулазиз Камилов 27-февралда Кыргызстанга иш сапары менен келет. Бул тууралуу аталган министрликтен билдиришти.
Жолугушуунун жүрүшүндө кыргыз-өзбек мамилелеринин негизги аспектилерин, саясий жана дипломатиялык, чек ара, соода-экономикалык, транспорт, маданий-гуманитардык жана башка тармактардагы эки тараптуу кызматташууну кеңейтүүнүн жана тереңдетүүнүн келечегин талкуулоо пландаштырылууда.
"Борбор Азия өлкөлөрүнүн ортосундагы кызматташтыктын позитивдүү динамикасын мындан ары өркүндөтүү, жаңы инфраструктура жана аймактар аралык масштабдагы транспорттук-коммуникациялык долбоорлорду ишке ашыруу боюнча пикир алмашуу болот", - деп айтылат маалыматта.
Эскерте кетсек, Өзбекстандын президенти Шавкат Мирзиеёв 11-январда Садыр Жапаровду президенттик шайлоодогу жеңиши менен куттуктаган.
Пикир
Оставить комментарий