Бишкек, 12.03.21. /Кабар/. Ош облусунун Өзгөн районунда жол кырсыгы катталып, 8 адам жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 11-март күнү саат 19:48 чамасында Бишкек-Ош унаа жолунун 605-чакырымында (Шоро-Башат айылы) “Дэу-Тико” жана “Дэу-Тико” үлгүсүндөгү унаалардын катышуусунда жол кырсыгы катталган.
Кырсыктын кесепетинен 8 адам (4 эркек - 1992-жылы туулган, 1992-жылы туулган, 1984-жылы туулган, 1975-жылы туулган, 2 аял - 1961-жылы туулган, 2004-жылы туулган, 2 жаш бала - 2013-жылы туулган, 2018-жылы туулган) ар кандай жаракаттарды алып, Өзгөн райондук ооруканасына жаткырылган.
ӨКМдин куткаруучулары кыпчылып калган жаранды унаадан чыгарып, тез жардам кызматына өткөрүп беришкен.
Пикир
Оставить комментарий