Жөө күлүк Сардана Трофимова Олимпиадада марафондук жарышка катышат

Бишкек, 22.07.24. /Кабар/. Франциянын борбору Париж шаарында XXXIII жайкы Олимпиада оюндарынын башталышына саналуу гана күндөр калды. 26-июлдан 11-августка чейин боло турган Олимпиадада спорттун 45 түрү боюнча мелдештер өтөт. 11-августта Кыргызстандын атынан жеңил атлет Сардана Трофимова аялдар марафонунун жарышына катышат.

Олимпиада оюндарын утурлай теги якутиялык жөө күлүк 36 жаштагы Сардана Трофимова тууралуу кыскача маалымат сунушталат.

Өмүр баяны: Сардана Трофимова 1988-жылы 28-мартта Якутияда төрөлгөн. Үй-бүлөлүү. Спортчу 2022-жылы Кыргызстандын жарандыгын алган. Жеңил атлетика боюнча эл аралык класстагы спорт чебери.

Спорттогу жетишкендиктери:

• Азия оюндарынын коло медалынын ээси (Жакарта, 2018);
• Марафон боюнча Россиянын беш жолку чемпиону;
• Марафон боюнча Россиянын кубогунун жеңүүчүсү (2016);
• Москва марафонунун жеңүүчүсү (2017, 2018, 2020);
• Азия оюндарынын коло медалынын ээси (Ханчжоу, 2023);
• Кыргызстандын жеңил атлетика боюнча кыздар курамасы Азия чемпионатында жарым марафонду жеңип, 1-орунду ээлеген (С.Трофимова, Г.Сатарова, М.Коробицкая, А.Калил кызы. БАЭ, 2023);
• Азия чемпионатында жеке эсеп боюнча 3-орунду ээлеп, коло медаль тагынган (БАЭ, 2023).

Жеке рекоддору:

• 1500 м 4:46.65 (2010);
• 3000 м 10:16.5 (2010);
• 5000 м 17:17.28 (2012);
• Жарым марафон: 1:17:46 (2013);
• Марафон 2:24:38 (2014).