Бишкек, 15.08.18 /Кабар/. Бишкек шаарынын мэриясы жакында Чыгыш-5 кичи районунда коопсуз болоруна сөз берди. Мэриянын муниципалдык администрациясынын маалыматына ылайык, Чыгыш-5 кичи районунда 70тен ашык видеокамера орнотулат.
Коомдук тартип жана укук бузуулардын профилактикасы, жашы жете электер арасындагы коомдук коопсуздук, Свердлов районундагы батирлердеги уурулуктун алуудагы артыкчылыктуу көйгөйлөрдү чечүү максатында “Реформалар жана натыйжа үчүн” жарандык бирикмеси менен бирге коомдук коопсуздук жана укук бузуулардын профилактикасы боюнча 2018-2019-жылдарга карата бирдиктүү план кабыл алынган.
“Коопсуз кичи район” программасынын алкагында пилоттук долбоор катары Чыгыш-5 кичи району тандалган. Свердлов райондук ички иштер башкармалыгынын маалыматына караганда, 2017-жылы 494 ар кандай кырсык катталган жана бул район, ошондой эле кичи район криминогендүү болуп саналат.
Жергиликтүү бюджеттен Чыгыш-5 кичи районундагы 14 көп батирлүү үйдү камера менен жабдууга акча бөлүнүп, 72 видеокамера, 9 видео каттоо, 9 катуу диск, 12 монитор жана 2335 метр кабель алынган.
Бүгүнкү күнгө карата № 25-А жана № 25-Б үйлөрүнө камераларды орнотуу боюнча жумуштар аягына чыкты. Учурда № 5 жана 6 үйлөргө коюлууда.
Ушул жылдын аягына чейин кичи райондун көчөлөрүн жана көп батирлүү үйлөрүн видеобайкоо камералары менен жабдуу пландалууда.
Пикир
Оставить комментарий