Бишкек, 25.12.24. /Кабар/. Жалал-Абад шаарынын мэринин орун басары Гүлбарчын Таштанбекова эл аралык олипиадада ийгилик жараткан окуучуларды куттуктап, алардын мугалимдерине жана ата-энелерине ыраазычылык билдирди.
Муниципалитеттен билдиришкендей, лимпиада Өзбекстандын Ташкент шаарында өтүп, Жалал-Абад шаарынан барган Малик Казыбеков математика предмети боюнча супер чемпион аталган. Ал эми Бийлик Алмазбеков менталдык арифметика боюнча 2-орун, Мейманбаева Арууке англис тили предмети боюнча 1-орун, Раяна Абдималикова англис тили предмети боюнча 1-орун, Албина Самаганова математика предмети боюнча 1-орун жана Бактыбекова Аин англис тили предмети боюнча 1-орунду багындырган.
Аталган окуучулар 2025-жылдын 25-мартында Дубайда өтүүчү олимпиадага жолдомого жана баалуу белектерге ээ болушкан.
Пикир
Оставить комментарий