Бишкек, 18.03.21. /Кабар/. Жалал-Абад облусунда жергиликтүү мамлекеттик администрация башчыларын жана алардын орун басарларын аттестациялоо жыйынтыкталды. Бул тууралуу Мамлекеттик кадр кызматынын басма сөз кызматы билдирди.
Ведомствонун маалыматы боюнча, республикалык аттестациялык комиссия ишти 18-мартта жыйынтыктады.
18 кандидаттын экөөсү аттестациянын биринчи баскычы болгон комьютердин тестирлөөдө 50 пайыздан аз босого алгандыгына байланыштуу кийинки этапка - маектешүүгө кирбей калышты.
Аттестациянын жыйынтыктоочу баскычы болгон маектешүүнүн натыйжасында комиссия чечим кабыл алды:
- 3 адам өз кызматына ылайык келет жана жогорулоого мүмкүнчүлүгү бар;
- 10 адам ээлеген кызматына ылайык келет;
- 5 адам ээлеген кызматына ылайык эмес.
Аттестациялык комиссия тарабынан жүргүзүлгөн аттестациянын жыйынтыгы боюнча өкмөткө сунуш киргизилет.
Кийинки аттестациялоо башка облустарда бекитилген графикке ылайык жүргүзүлөт.
Пикир
Оставить комментарий