Бишкек, 26.09.24. /Кабар/. Бүгүн президенттин Жалал-Абад облусундагы өкүлү Тилек Текебаев ушул жылдын 2-8-сентябрь күндөрү Испанияда өткөн грек-рим күрөшү боюнча 20 жаштагы спортчулар арасында дүйнө чемпиону болгон Асан Жанышовду куттуктады.
Өкүлчүлүктөн билдиришкендей, облус башчысы Асан Жанышов, анын атасы жана машыктыруучуларына белектерин тапшырып, спортчунун жараткан жеңиши Жалал-Абад облусунун, жалпы өлкөнүн намысын коргогон жакшы натыйжа экенин белгилеп, алдыдагы ийгиликтерди каалады.
Ошол эле учурда спортчунун жетишкен жеңишинин артында ата-энесинин жана машыктыруучуларынын эмгеги чоң экенин айтып, ыраазычылык билдирди.
Асан Жанышов Жалал-Абад шаарындагы Раатбек Санатбаев атындагы олимпиадалык резервдеги адистештирилген балдар-өспүрүмдөр мектебинин тарбиялануучусу.
Грек-рим күрөшү боюнча КР улуттук курама командасынын мүчөсү, эл аралык класстагы спорт чебери. Үч жолку Азия чемпиону болгон.
Пикир
Оставить комментарий