Бишкек, 01.05.20. /Кабар/. Жалал-Абад шаарында бир адам обсервацияда жатат. Бул тууралуу Жалал-Абад шаарынын мэри Мураталы Тагаев билдирди.
"Бүгүнкү күнү Жалал-Абад шаарында ооруканада жаткан бейтап жок. Шаарда 7 учур катталган. Учурда шаарда 1 адам обсерацияда жатат. Ал кишинин анализдери да оору жок деп чыгарына үмүт кылабыз", - деди ал.
Белгилей кетсек, Кыргызстанда 1-майга карата коронавирус жуктурган 10 жаңы учур катталды. Азыркы тапта өлкөдө коронавирус жуктурган учурлардын саны 756ны түзөт. Алардын ичинен 504 адам коронавирустан айыгып, ооруканадан чыгарылган. Коронавирус жуктурган 8 адам каза болду.
Коронавируска байланыштуу Бишкек, Жалал-Абад, Ош шаарларында жана Ат-Башы районунда киргизилген өзгөчө абал режими 10-майга чейин узартылды.
Пикир
Оставить комментарий