Бишкек, 15.08.19. /Кабар/. Жалал-Абад шаарындагы Спутник аймактык башкармалыгынын Т. Юлчибаев көчөсүндө дээрлик жарым чакырым жерге асфальт төшөлдү. Бул тууралуу Жалал-Абад шаарынын мэриясынан билдиришти.
Мэриядан белгилешкендей, аталган көчөдөгү жолго Союз мезгилинде да асфальт төшөлгөн эмес.
Жакында эле тургундардын демилгеси жана калаа бийлигинин колдоосу менен узундугу 482 метр, туурасы 5 метр болгон жолго асфальт төшөлүп, пайдаланууга берилген. Жумуш иштеринин алкагында бир катар коммуникациялык маселелер да жолго коюлган.
Жаңыланган жолдун ачылыш салтанатына шаар мэри Мураталы Тагаев катышкан.
Эске сала кетсек, Жалал-Абад шаарындагы Спутник аймактык башкармалыгындагы Т. Юлчибаев көчөсүндө жалпы 300гө жакын киши жашайт.
Пикир
Оставить комментарий