Бишкек, 24.10.22. /Кабар/. Жалал-Абад шаарында көмүрдүн тоннасын 5 миң сомдон сата турган жай уюштурулду. Бул тууралуу Жалал-Абад шаардык мэриясынан билдиришти.
Маалыматка ылайык, Жалал-Абаддын Курманбек көчөсү №6 дарегинде 40 тоннага жакын көмүр түшүрүлүп, жарандарга сатылууда.
Жалал-Абад шаарынын мэри Эрнисбек Ормоков суроо-талапка жараша көмүр үзгүлтүксүз негизде ташылып турарын белгиледи.
Белгилей кетсек, иштер президент Садыр Жапаровдун кышка карата даярдык көрүү жана элди арзан баадагы көмүр менен камсыздоо боюнча тапшырмасына ылайык жүргүзүлүүдө.
Пикир
Оставить комментарий