Бишкек, 22.03.21. /Кабар/. Жалал-Абад шаарында Нооруз майрамы салтанаттуу белгиленди. Бул тууралуу шаардык мэриянын басма сөз кызматы билдирет.
Маалыматка ылайык, аба ырайына байланыштуу пландалган иш-чаранын расмий жана концерттик бөлүгү борбордук аянтта эмес Барпы театрында өткөрүлдү.
Иш-чарага өкмөттүн Жалал-Абад облусундагы өкүлү Абсаттар Сыргабаев, шаар мэри Эрнисбек Ормоков, мекеме-ишканалардын жетекчилери жана калаа тургундары катышты.
Мэр жалпы шаардыктарды жана конокторду Нооруз майрамы менен куттуктап, бул күндүн маанисине токтолду.
Иш-чарада сахналаштырылган көрүнүш аркылуу алас айтуу жөрөлгөсү, сүмөлөктүн тарыхы чагылдырылды. Андан соң Арзыбек Бедияров, Бек Борбиев, Айпери Кулбаева, Гүлзина Мамаевалар чыгармаларын тартуулашты. Майрам бийчилердин кыргыз улуттук бийлери, башка улуттардын ыр-бийлери менен да коштолду.
Ага улай Эркиндик аянтында, театрдын ичинде улуттук кол өнөрчүлүк, тамак-аш көргөзмөлөрү уюштурулду.
Пикир
Оставить комментарий